Заснаваны герб і сцяг Гродзенскага раёна

Заснаваныя геральдычныя сімвалы з’яўляюцца ўласнасцю Гродзенскага раёна. Правам распараджацца імі валодае Гродзенскі раённы выканаўчы камітэт.

Выява герба і флаг могуць размяшчацца:

• на будынках, у якіх знаходзяцца органы мясцовага кіравання і самакіравання Гродзенскага раёна;
• у памяшканнях для пасяджэнняў гэтых органаў;
• у службовых кабінетах іх кіраўнікоў.

Дадзеныя сімвалы могуць выкарыстоўвацца падчас дзяржаўных свят і святочных дзён, урачыстых мерапрыемстваў, якія праводзяцца дзяржаўнымі органамі і іншымі арганізацыямі, а таксама пры правядзенні народных, працоўных, сямейных свят, спартыўных гульняў і мерапрыемстваў, прымеркаваных да памятных дат.

Што тычыцца апісання сімвалаў, то герб Гродзенскага раёна ўяўляе сабой чырвоны варажскі шчыт, апраўлены справа і злева слупамі серабрыстага колеру, зверху – папярочкай такога ж колеру, знізу – хвалістай блакітнай пятой. У цэнтры поля размешчана залацістая галава зубра з рагамі серабрыстага колеру.

Флаг Гродзенскага раёна ўяўляе сабой прамавугольнае палотнішча чырвонага колеру з суадносінамі бакоў 1:2, у цэнтры вонкавага боку якога размешчаны герб Гродзенскага раёна.

Указ уступае ў сілу пасля афіцыйнага апублікавання.

За афіцыйным апублікаваннем сачыце ў раздзеле «Официальное опубликование».

Па інфармацыі Нацыянальнага прававога Iнтэрнэт-партала Рэспублікі Беларусь